IES de Brión (Brión, A Coruña)

Que vergoña, vou facer ruído, vou molestar…Cantas veces temos tapado o nariz e a boca para non facer ruído ao esbirrar. Pois ben, temos que darnos conta de que o esbirro é un acto reflexo do noso corpo mediante o cal expulsamos aire, pero tamén partículas ou xermes. Estes últimos son os que soen provocar o esbirro, pois este acto reflexo é provocado polo noso organismo especificamente para expulsalos. Polo cal, cando reprimimos o esbirro estamos tamén producindo os efectos contrarios aos debidos. Os xermes poden ser desprazados a zonas máis internas, producindo ou agravando así infeccións. Por outro lado, ao reprimilo aumenta a presión, cousa que pode orixinarnos pequenas roturas vasculares (ata na conxuntiva ocular ou no tímpano), dor de oídos, mareos, e ata alteracións na audición.

É certo que non debemos esbirrar fronte outras persoas, pero porque podemos contaxialas, non por vergoña, pois xa vedes os efectos que pode ter. Asi que, sempre que teñades que esbirrar, collede un pano e botádeo fóra, é algo natural!

Fonte: El País

Como todos sabemos, existen unhas recomendacións de sono que dependen da idade. No caso dos adultos, o ideal sería durmir 8 horas diarias, mais, ás veces, as obrigas e preocupacións fan que descoidemos as nosas horas de descanso, así como a súa calidade. Agora, un experimento realizado por científicos expertos, demostrou que estes malos hábitos están directamente relacionados coas enfermidades cardiovasculares.

O experimento consistiu en observar a case 4.000 persoas durante unha semana, ás que se lles proporcionou un sensor de actimetría. Os individuos, foron divididos en grupos dependendo das súas horas de descanso. Unha vez rematado o experimento, os resultados foron sorprendentes. Naqueles que tiñan menos de 6 horas de sono, as probabilidades de sufrir unha arteriosclerose aumentaban nun 27%. Ademais, o risco aumentaba cando as persoas tiñan unha mala calidade do sono.

A arteriosclerose prodúcese pola acumulación de graxas no interior dos vasos sanguíneos. Este é o primeiro paso para sufrir enfermidades como o infarto e o ictus, que se producen debido ao bloqueo do paso de osíxeno en determinadas  zonas do corpo. Polo tanto, estamos a falar dunha enfermidade grave que poderemos evitar se seguimos as recomendacións existentes. Agora, ademais de facer exercicio e levar unha dieta equilibrada sabemos que debemos coidar os nosos hábitos de descanso, incrementando a calidade do sono na medida do posible e aumentando as horas de sono.

E vos? Sacrificaredes agora ese capítulo da vosa serie preferida para ir durmir máis cedo? Érades conscientes do importante que era o descanso para o noso organismo?

Fonte: https://www.elmundo.es/ciencia-y-salud/salud/2019/01/14/5c3b8f0521efa0ac1d8b4798.html

Nos últimos tempos, o azucre foi moi criticado e pouco a pouco produciuse unha demolición do seu consumo. A sacarosa relacionouse directamente con enfermidades como a obesidade, a caries dental, a diabetes tipo 2 ou alteracións no ritmo cardíaco. Esto, fixo que, moitas persoas substituísen o azucre por edulcorantes (como a sacarina). Agora, os beneficios destes edulcorantes comezan a poñerse en dúbida.

Os investigadores non conseguen poñerse de acordo, xa que, por unha banda, os estudos realizados non teñen a certeza de que os edulcorantes vaian contra a saúde, mais, pola outra tampouco hai probas firmes de que a súa inxesta teña efectos sobre o peso. As investigacións centráronse en observar si os edulcorantes afectaban ao peso, o nivel de glucosa no sangue, a saúde dental, as enfermidades cardiovasculares e incluso o cancro. Os resultados variaron moito dependendo de si as persoas eran adultos ou nenos, e, ademais, non se puideron amosar os efectos destas substancias a largo prazo, o que é interesante, xa que están presentes en moitos dos refrescos que tomamos.

En conclusión, os edulcorantes non son a alternativa ideal ao azucre para evitar a obesidade, a mellor alternativa segue a ser a auga, segundo os investigadores. Porén, a industria dos edulcorantes segue a defendelos.

Quen gañará esta batalla? Sabiades vós desta controversia?

Fonte:  https://elpais.com/elpais/2019/01/03/ciencia/1546508966_277622.html

Un tumor prodúcese cando as células do corpo comezan a dividirse de maneira incontrolada. Como xa todos saberedes, esta é unha enfermidade moi dura, que, en moitos casos, leva á morte e que, no caso de estenderse o tumor (metástases), se converte aínda nun problema maior. A metástases ten lugar cando un grupo de células que forman o tumor se desprenden deste e viaxan polo sangue, chegando a outros órganos e tecidos , estendendo a enfermidade. Para os médicos, resulta realmente complicado detectar a metástases, o que a fai aínda máis perigosa.

Agora, un grupo de científicos dunha universidade de Suiza acaba de descubrir que cando separan os grupos de células (tamén chamadas Células Tumorais Circulantes), estas perden a súa capacidade de dividirse e xerar un novo tumor. Os científicos aplicaron varios fármacos para tentar separar as células, e comprobaron que unha vez separadas, xa non teñen a capacidade para volver a xuntarse. Deste xeito, conseguiron evitar a metástases dunha paciente con cancro de mama, aínda que o seu obxectivo é que os fármacos tamén se poidan utilizar en fases máis avanzadas, cando o tumor xa está estendido. Ademais, aínda que polo momento os estudos só se dirixen a pacientes con cancro de mama, os investigadores non descartan poder aplicalo a outros tipos de tumores.

Sen dúbida, este é un gran avance para todas as que loitan con esta enfermidade día a día  e pode supoñer unha esperanza para moitas destas persoas, mais algúns investigadores piden cautela, xa que non é o mesmo facer algo nun laboratorio que na “vida real”.

Que pensades vós? Credes que este pode ser a fin da metástases?

Fonte:  https://www.elmundo.es/ciencia-y-salud/salud/2019/01/12/5c379cea21efa0d1688b462e.html

Como ben sabedes, nunha operación pode chegar a complicarse por certas circunstancias…

O cirurxián Rubén Pérez Mañanes, descubriu unha técnica para facilitar entre outras cousas as operacións mediante a utilización de capas de información de 3D. Débese empregar unhas gafas de realidad aumentada e tecnoloxía 3D personalizada. Grazas a este descubrimento podemos proxectar capas de información 3D para intervir con máis precisión, podemos saber a posición exacta do problema. Tamén, simplifica a localización e  a orientación da intervención , mellora os resultados e acorta o tempo sin ningún risco.

A partir do estudo radiolóxico do paciente elabórase unha imaxe das estruturas anatómicas e da lesión ou tumor que padezca o enfermo. Con iso, imprimimos en 3D unha plantilla que se adapta a un punto anatómico concreto. Esa plantilla leva un marcador óptico que o podemos ver coas gafas e indícalle ao sistema onde se deben proxectar as reconstrucións en 3D. É dicir, isto vese como un holograma sobre o paciente, e si queres podes seleccionar qué capa de información queres ver. Isto permítenos ganar seguridade e precisión.

Esta técnica, probouse con unha paciente que tiña un sarcoma de Ewing na perna (un tipo de tumor), que foi todo un éxito. Este cirurxián cóntanos que a súa sensación é como si tivera raios X. Esta técnica pode utilizarse en diferentes tipos de cirurxía (non só no cáncer) e ademais é moi útil nas operacións que hai zonas de acceso máis difícil. Tamén teñen a posibilidade de utilizar esta técnica a través de un smartphone, en lugar de gafas, co cal sería moitísimo máis económico e facer que a aplicación sexa máis fácil.

Na miña opinión, paréceme un gran avance para a ciencia, xa que as operacións, hoxe en día son moi complicadas e cada vez dentro do noso corpo hai partes novas e son difíciles de atopar. A parte de iso, esta técnica permítelle aos cirurxiáns ter moita máis información, mellorar os resultados, acurtar os riscos e ter máis precisión e seguridade sobre esa enfermidade. Ademais, penso que é bastante útil xa que se pode utilizar en diferentes tipos de cirurxías, non especificamente nunha, e con un marxe de erro inferior a un milímetro.

E vos que opinades deste descubrimento? Estariades dispostos a que utilizaran esta técnica no voso corpo?

Fonte: El Mundo

     No ano 2025 un grupo de investigadores planea taladrar o manto da Terra ata unha profundidade de 2900 kilómetros e estudar o movemento das placas tectónicas, para así poder entender mellor o mecanismo dos terremotos.

Esta xesta levaraa a cabo a Axencia Xaponesa para a Ciencia e a Tecnoloxía Marítimo- Terrestre (Jamstec), xunto con expertos de Estados Unidos e Europa. Van a avanzar por vía submarina, xa que a codia continental e o dobre de grosa no chan continental que baixo o océano. Pensan perforar nas inmediacións do arquipélago de Hawai.

Para chegar ó manto, teñen que perforar uns 7 quilómetros de profundidade, van utilizar un buque de perforación similar ó que se usa nas plataformas petrolíferas.

     Na actualidade, sábese que a superficie terrestre está dividida en aproximadamente 17 placas e que cerca do 99% dos terremotos ocorren cando estas placas chocan. Na zona de contacto entre placas hai enormes  forzas de fricción que, cando se liberan, xeran os tremores. Se esta zona de contacto estivera perfectamente lubricada este movemento entre placas daríase con más suavidade e  evitaríanse os tremores, por iso é importante saber cal é a dureza do manto e canta auga hai nel.

Penso que avanzamos moito no estudo dos terremotos, pero: chegaremos a saber con exactitude cando se vai a producir un terremoto e onde? Lograremos neutralizar un sismo? Seremos quen de construír infraestruturas capaces de resistir un terremoto?

Fonte:  LMNeuquen

 | Ciencia y Vida

 | Investigación

 - 17 julio 2018

O pasado 26 de novembro, a sonda InSight da NASA amartizou con éxito cargada cun sismógrafo e outras ferramentas que axudarán a descubrir como funciona Marte por dentro. En maio deste ano, a NASA lanzou esta sonda, que está equipada con sismógrafo ultrasensible, o máis preciso e compacto construído ata o momento. Tamén conta con unha sonda de fluxo de calor, e outros aparellos de medida, como medidores de presión, cámaras, termómetros, etc.

A amartizaxe custou, pois só foi posible tras unha difícil manobra de sete minutos onde a sonda tivo que pasar de 20.000 a o km/h. Despois de todo mereceu a pena, pois a sonda pousouse exitosamente nunha chaira marciana sen case pedras (todo area), e cunha inclinación de 4 graos. Todo iso facilita moito a investigación, pois ó non haber rocha ríxida, facilita a perforación, ó igual que a inclinación case inexistente.

InSight tardará aínda 2-3 meses en instalar os instrumentos necesarios, e outros tantos en comezar coa recolección de datos, pero a espera merecerá a pena, posto que os datos recabados serán usados para descubrir, a través dos rebotes das ondas sísmicas producidas por martemotos, a localización de bolsas de magma, ou de auga líquida que poderían achegarnos á posibilidade dunha vida pasada en Marte. A sonda tamén nos permitirá saber como de “morto” está Marte xeoloxicamente falando.

E a vós que vos parece esta noticia? Credes que Marte será parecido á Terra no interior ou non? Habería vida nalgún momento? E por último, credes que é correcto usar o término “xeoloxía” para referirse a Marte e outros planetas, posto que xeoloxía significa “ciencia que estuda a Terra”? Que outro término propoñedes?

Bibliogafía:

-Video de Cdeciencia en youtube.

-Noticia en abc.

Os científicos levan anos investigando por que na costa siciliana o Etna se está a desprazar cara o mar. Os investigadores creen que se debe ao peso do propio monte xunto ca acción das placas nas que se sostén, situadas no fondo do mar. O vulcanólogo Alessandro Bonforte di que os agretamentos que este desprazamento pode causar no chan son un perigo para as infraestruturas se se producen en zonas urbanizadas.

Para medir os posibles desprazamentos, Morelia Urlaub (investigadora alemana) e o seu equipo utilizan unha tecnoloxía que consiste en instalar durante uns meses, neste caso foron 15 meses, cinco instrumentos baixo o mar que mediante ondas sonoras detectan se ocorreu algún cambio na distancia entre eles, isto significaría que o fondo mariño se moveu.

Penso que este descubrimento é moi importante porque así, si isto lle acontece a outro volcán, os investigadores xa saberán o que pasa e como actuar. Tamén é necesario para evitar desfeitas urbanas e riscos importantes ás persoas que viven preto del. Entón, por que pensades que a xente sigue vivindo alí a pesar deste risco?

Fonte: El País 10/10/2018

Ao escoitar zombie o último que imaxinamos é unha araña , pero unha avéspora parasita , Zatypota percontatoria , converte as súas infortunadas arañas en zombies.

Todo comeza cando a avéspora deposita os seus ovos na araña, os cales eclosionan dentro dela e a larva que sae delas, cómese a araña desde adentro, pero antes diso  obrígalle  a construírlle unha tea de araña especial onde a avéspora poida vivir mentres  termina de comer a araña. Ata o momento é un misterio como a avéspora controla o comportamento da araña.

O que é fundamental saber é se os parasitos tamén poden controlar aos seres humanos… Que pasaría se o mal humor cho dera unha lombriga que vive alegremente nos teus intestinos?

 Fonte: https://www.abc.es/ciencia/abci-terrible-avispa-convierte-zombis-aranas-201811302122_noticia.html

Compañeiros e compañeiras, a pouco máis de 100km das nosas casas en Cedeira, atópase unha praia moi peculiar, composta por area negra non volcánica.

Atópase na Serra da Capelada, onde están os acantilados máis altos da Europa Occidental; destaca o contraste entre o negro e o verde da natureza. É a única praia do mundo composta por area negra non volcánica; a cor débese a que son rochas ultramáficas (cor negro) baixas en sílice e cun alto contido en magnesio e ferro.  A praia ten un difícil acceso, pero os animais salvaxes da zona fan que se  manteñan os camiños semiabertos. Recoméndase non ir a praia porque ten un perigoso acceso e  no caso de ir, tense que levar un guía experto, porque é moi doado perderse.

 Coñeciades a existencia desta praia? Gustaríavos ir?

 INFORMACIÓN: Encontrei un vídeo na Voz de Galicia, pero despois busquei na páxina web galiceando.