O perigoso desplazamento do Etna
Os científicos levan anos investigando por que na costa siciliana o Etna se está a desprazar cara o mar. Os investigadores creen que se debe ao peso do propio monte xunto ca acción das placas nas que se sostén, situadas no fondo do mar. O vulcanólogo Alessandro Bonforte di que os agretamentos que este desprazamento pode causar no chan son un perigo para as infraestruturas se se producen en zonas urbanizadas.
Para medir os posibles desprazamentos, Morelia Urlaub (investigadora alemana) e o seu equipo utilizan unha tecnoloxía que consiste en instalar durante uns meses, neste caso foron 15 meses, cinco instrumentos baixo o mar que mediante ondas sonoras detectan se ocorreu algún cambio na distancia entre eles, isto significaría que o fondo mariño se moveu.
Penso que este descubrimento é moi importante porque así, si isto lle acontece a outro volcán, os investigadores xa saberán o que pasa e como actuar. Tamén é necesario para evitar desfeitas urbanas e riscos importantes ás persoas que viven preto del. Entón, por que pensades que a xente sigue vivindo alí a pesar deste risco?
Fonte: El País 10/10/2018
Tags: fondo mariño, risco, volcán
Luns 31 de Decembro do 2018 ás 2:04 pm
Unha noticia moi interesante, Sofía!
Estou de acordo contigo cando dis que este é un descubrimento importante que pode axudar en futuros acontecementos similares, penso que o labor que fixeron os investigadores foi moi importante, sobre todo no que respecta á seguridade das persoas que viven na zona. Respecto da túa pregunta, penso que o máis práctico sería tentar poñer medidas de precaución nas zonas de máis risco, como adaptar os edificios ou ensinar protocolos de actuación ante un terremoto aos habitantes, xa que é practicamente imposible que toda unha cidade abandone os seus fogares e marchen a vivir a outro lugar.
Luns 21 de Xaneiro do 2019 ás 5:39 pm
Paréceme que esta noticia é moi interesante, non tanto pola seguridade (xa había outros métodos para previr derrumbamentos ou erupcións) senón porque facilita o camiño cara comprender mellor como funciona a terra e en concreto a codia da mesma. Paréceme moi positivo que a que manexe todas as investigacións sexa unha muller, pois hoxe en día a ciencia está controlada por homes e compre ter cada vez máis e máis exemplos de grandes mulleres científicas para animar ás estudantes a unirse ás investigacións. Respecto á túa pregunta, opino que é moi improbable unha erupción, e moita xente botaría de menos a súa cidade natal. Ademais está moi controlado e no peor dos casos habería tempo de evacuar.