Ciencia en directo dende…A Antártida!
Hoxe estamos de celebración e isto tiña que ser noticia no noso blog. Non todos os días temos a oportunidade de contactar con científicos, ou, como neste caso, científicas, en riguroso directo, dende o lugar onde desenvolven o seu labor investigador…E moito menos se ese lugar é a Antártida!
Adoración Sánchez Mata, Bióloga e investigadora do CIMA (Centro de investigacións mariñas) recibiunos, virtualmente falando, dende a Base Gabriel de Castilla na Antártida. Ao longo do tempo que durou a videoconferencia, falounos do seu propio traballo sobre as comunidades de organismos da zona intermareal, pero tamén dos outros proxectos de investigación que se están levando a cabo, algúns sobre o vulcanismo Antártico; como tivemos ocasión de comprobar por boca dunha das Xeólogas que investigan tamén alí.
Tamén nos falou, Adoración, das particularidades que ten a investigación nese lugar privilexiado, algo que valora tan positivamente que, esquecendo as incomodidades climáticas, entre outras (que seguro que as hai)…Case non é capaz de sinalar nada negativo!
Non sei a vós, pero a min resultoume emocionante esa comunicación directa con persoas tan entusiastas, dende un dos lugares máis emblemáticos onde se está facendo ciencia contemporánea. Invítovos a que fagades os vosos comentarios, reflexións, preguntas (especialmente aqueles que non as puidestes facer por falta de tempo)…Porque ao mellor hai sorpresas!
Déixovos aquí unha ligazón onde podedes ver fotos e información sobre a campaña Antártica 2010-2011:
http://www.ejercito.mde.es/unidades/Antartica/antartica/proyectos_10-11/index.html_1910061517.html
Tags: Antártida, ciencia, Investigación
Xoves 27 de Xaneiro do 2011 ás 12:47 am
A verdade e que é curioso poder se capaz de falar en directo con xente que está a miles de Km de distancia nun lugar tan inhóspito como é a Antártida. A min pareceume unha conferencia realmente interesente, igual se me fixo un pouco breve de máis, pero seguramente tería unha explicación a falta de tempo das científicas.
Opino que deberiamos de ter algunha conferencia máis deste tipo, xa que foi moi lúdica e para nada pedante, moi sinxelamente explicado quedou claro todo o labor de investigación que están realizando.
Só me queda unha cousa por dicir:
Ben feito para as persoas que traballaron para organizar isto¡¡
Xoves 27 de Xaneiro do 2011 ás 4:39 pm
Estou de acordo con Xulian, a verdade é que me pareceu unha videoconferencia moi interesante, ainda que algo curta. Paréceme extraordinario poder comunicarnos con esas persoas e poder apreciar a o seu labor, espero poder repetir a experiencia fascinante de comunicarnos a miles de quilometros ao mesmo tempo que aprendemos algo novo.
Xoves 27 de Xaneiro do 2011 ás 6:30 pm
Estou de acordo, foi un pouco curta de máis, pero entendo as dificultades que teñen que ter cas comunicacións estando nun lugar como ese. Por iso, hai que apreciar o enorme esforzo que fixeron para algo que pode parecer tan simple como unha videoconferencia a través do Skype.
En relación cos proxectos que se están a desenvolver alí, en concreto o de Adoración, quedoume unha pregunta que facerlle: Como se realizan os experimentos de manipulación do medio ambiente no laboratorio?
Fágome esta pregunta porque non se me ocorre como manexar algo, aparentemente, tan complexo.
Xoves 27 de Xaneiro do 2011 ás 7:33 pm
Foi xenial, algo moi emotivo.
A min ata me entraron ganas de ir con eles, debe de ser unha experiencia incrible.
Unha pena non poder disfrutar máis tempo desta videoconferencia pois estaba resultando realmente interesante, e persoalmente gustariame que puidese afondar un pouco máis no proxecto de investigación no que estaban involucrados ela máis o seu grupo, a busca de invertebrados nas praias da illa Decepción.
En todo caso , debemos estar moi agradecidos por esta oportunidade e disfrutar da “ciencia en directo”.
Venres 28 de Xaneiro do 2011 ás 5:03 pm
Paeceume moi interesante a videoconferencia, e espero que se repita outro día. Gustoume moito escoitar a unha científica en activo como é Adoración, e sobre todo nun lugar tan privilexiado como o continente Antartico, é unha pena que a videoconferencia non puidera ser máis longa, pero os medios non o fixeron posible.
Eu teño unha dúbida sobre se no inverno Antartico permanece algún militar do exercito ou científico dentro da base, e se así fora, gustaríame saber nas condicións nas que viven nesa dura estación.
Un saúdo.
Venres 28 de Xaneiro do 2011 ás 6:49 pm
Como non! Unha noticia como esta por suposto que tiña que estar no noso blog. Alégrome moito de que tivésemos a oportunidade de falar cunha científica dende o seu lugar de traballo, nada máis e nada menos que dende o Antártico (Illa Decepción).
Eu quedei coas ganas de preguntarlle duas cousiñas.
1- Se tanto se preocupan polo cambio climático e polo quentamento global, que fan alí cos residuos xerados?
2- Se algunha vez coincidira por esas terras con algún expedicionario de Greenpeace.
E moitas grazas a todas as persoas que fixeron posible esta videoconferencia.
Venres 28 de Xaneiro do 2011 ás 7:51 pm
Algo curta si que foi.
Pero eu teño unha pregunta para Adoración.
Cómo decidiches ir á Illa Decepción?
Seguro que é fermosisimo estar aí. Gustaríame moito ir, a pesar do frio. Hai moitas mulleres do exército aí, ou só son homes?
Venres 28 de Xaneiro do 2011 ás 10:13 pm
Coincido cos meus compañeiros sobre o interesante que resultou a videoconferencia e tamén sobre o curta que foi, pero quizais esta sensación de brevidade se deba ó amena e emocionante que nos pareceu, polo que vexo, á maioría de todos nós.
Paréceme sorprente poder dicir “falei coa Antártida”, de feito a algunhas das persoas ás que llelo dixen non mo creron, pero é certo que tiven esa sorte, e ainda que tiven a ocasión de facerlle a miña pregunta a Adoración en tempo real, quedei cunha dúbida. Esta non é de tema de científico senón que aborda o campo económico que o proxecto de investigación acarrexa, especialmente: a partir de que financiamento se leva a cabo?
Espero que poida ter unha resposta xa que é unha cuestión que me provoca intriga dado que sempre nos falan dende o punto cientifico destes proxectos, pero non sempre do fondo económico que implican.
Venres 28 de Xaneiro do 2011 ás 11:17 pm
Estou de acordo con todos os meus compañeiros en que esta oportunidade de poder falar directamente con algunhas persoas que desenvolven o seu traballo na Antártica, foi moi emocionante. Todos os conceptos que explicou tanto Adoración como o resto dos seus compañeiros son de grande importancia pero quizais o que máis me interesou foi aquel no que Adoración traballa: é decir, o que estuda as macroalgas procedentes de zonas de costa que poden ser o motivo da biodiversidade e da abundancia de invertebrados nas praias, e como estas macroalgas varadas poden chegar a afectar ó ecosistema e a pirámide alimenticia.
En definitiva, este proxecto paréceme moi importante e espero que cheguen a acadar os seus obxectivos.
Para rematar gustaríame formular unha pregunta: dende cando este proxecto está en marcha?
Sábado 29 de Xaneiro do 2011 ás 12:43 pm
Esta videoconferencia para min foi moi interesante, xa que esto de falar con una científica así a tempo real dende o seu lugar de investigación, nunca pensei que se podería facer. Aínda que un pouco curta, estivo moi ben, foi moi interesante e para nada foi pesada nin nada aburrida, foi moi lúdica e, ao ser asi, aprendéronse moitas cousas.
Eu teño una pregunta: gustaríame saber se no fondo mariño da Antártida hai algunha especie das que hai no fondo mariño de Galicia.
Sábado 29 de Xaneiro do 2011 ás 2:47 pm
Moi interesante a videoconferencia, aínda que moi curta como ben din os meus compañeiros.
Eu quería saber, se é posible, que é, exactamente, o que buscan nos invertebrados de alá.
Sábado 29 de Xaneiro do 2011 ás 4:15 pm
Estou de acordo cos meus compañeiros, creo que foi moi emocionante escoitar unha persoa que se atopa tan lonxe de nós e que nos explicara, en exclusiva, os estudos que están a levar acabo na Antártida.
O certo é que a conferencia foi moi curta e non lle poidemos facer todas a preguntas que tiñamos.
Eu quería preguntarlle: como se lle ocurriu dedicarse a investigación? Que relación hai entre as algas e o cambio climático?.
Domingo 30 de Xaneiro do 2011 ás 4:36 pm
É impresionante o que se está facendo aí. Eu preguntome: foi difícil acostumarse a ese cambio radical que foi pasar de facer vida normal a vivir na Antártida??
Domingo 30 de Xaneiro do 2011 ás 5:20 pm
A min tamén me gustou moito esta videoconferencia, foi moi emocionante e espero que se poida repetir esta experiencia.
Como din moitos dos meus compañeiros, fíxoseme moi curta xa que me gustaría saber cousas como:
-Que foi o que lle impulsou, a Adoración, a ir á Antártida, xa que estamos falando dun lugar cunhas temperaturas mínimas e dunhas condicións de vida moi diferentes ás de aquí.
-Tamén estaría ben poder afondar máis nos proxectos e investigacións que realizaron.
Mércores 2 de Febreiro do 2011 ás 6:09 pm
A videoconferencia, a pesar de que houbo anacos no que a sinal era peor e non a oiamos ben de todo, gustoume moito porque explicábase ben e intentaba que nos enteraramos por enriba de todo. Contestou ás nosas preguntas de xeito moi completo e a verdade dicindo cousas moi interesantes.
A miña pregunta é:
-Atopades cousas que non estábades a buscar? É dicir,aí vós, por exemplo, ides estudar as algas… Tedes atopado algo de interese que non tivérades pensado atopar?